google.com, pub-6440632152563755, DIRECT, f08c47fec0942fa0

अमृतधाम परिसर विजेच्या लपंडावामुळे नागरिक त्रस्त…

author
0 minutes, 0 seconds Read

नाशिक – दमदार पावसाला सुरूवात झाली नसतानाही महावितरणची वीज वितरण प्रणाली शहराच्या विविध भागात कोलमडत आहे. त्यात पंचवटीतील अमृतधाम परिसराचाही समावेश आहे. पाच ते सहा दिवसांपासून या भागात दिवसभरात वारंवार वीज पुरवठा खंडित होत असल्याने दुकानदार, व्यावसायिकांचे मोठ्या प्रमाणावर नुकसान होत असून दररोज होणाऱ्या त्रासामुळे नागरिकही त्रस्त झाले आहेत. खंडित झालेला वीज पुरवठा कधी दीड-दोन तासाने तर, कधी पाच मिनिटांत पूर्ववत होतो. विजेच्या लपंडावामुळे घरातील टीव्ही, संगणक वा अन्य उपकरणांचे नुकसान होण्याची भीती व्यक्त होत आहे.

पावसाळ्यात वीज पुरवठा यंत्रणा सुरळीत राखण्यासाठी कंपनीने व्यापक स्वरुपात मान्सूनपूर्व कामे केल्याचा दावा केला होता. तथापि, तुरळक पावसात वीज पुरवठा तांत्रिक दोष, झाडे पडणे यांसह इतर कारणांनी खंडित होत आहे. नुकताच खुटवडनगर, शाहूनगर व परिसरातील चार हजार ग्राहकांचा वीज पुरवठा सातपूर उपकेंद्रातील बिघाडामुळे सुमारे १६ तास खंडित होता. याच सुमारास वीज वाहिनीवर झाड पडल्यामुळे सारडा सर्कल ते मुंबई नाका परिसरातील २० रोहित्रे बंद झाली होती. दीड हजार ग्राहकांचा वीज पुरवठा खंडित झाला. पर्यायी मार्गाने काही भागात वीज दिली गेली होती. उर्वरित वीज पुरवठा रात्री आठच्या सुमारास पूर्ववत झाला. गेल्या महिन्यात एकलहरे वीज उपकेंद्रातील रोहित्रातील बिघाडामुळे तीन दिवस महावितरणची उपकेंद्रे प्रभावित झाली होती. नाशिकरोड भागातील हजारो ग्राहकांना फटका बसला. तशीच स्थिती वडाळा, दीपालीनगर, इंदिरानगर भागात उद्भवली होती.

Similar Posts

Leave a Reply

Your email address will not be published. Required fields are marked *