नाशिक :- मध्य नाशिक विधानसभा मतदारसंघातील शिवसेना (उद्धव बाळासाहेब ठाकरे) व महाविकास आघाडीचे उमेदवार वसंत गिते यांच्या प्रचारार्थ नाशिक शहरात भव्य मोटारसायकल रॅलीचे आयोजन करण्यात आले. शहरातील प्रमुख मार्गांवरून काढलेल्या या रॅलीला नागरिकांचा उत्स्फूर्त प्रतिसाद मिळाला. रॅलीदरम्यान नाशिककरांनी फुलांची उधळण, फटाक्यांची आतषबाजी आणि महिलांकडून औक्षण करून गिते यांना विक्रमी विजयासाठी शुभेच्छा दिल्या.
‘भयमुक्त, ड्रग्जमुक्त, गुन्हेगारीमुक्त नाशिक’ या मोहिमेला प्रोत्साहन देत नाशिककरांनी एकजूट दाखवली. शहराच्या विकासासाठी युवकांचा उत्स्फूर्त सहभाग या रॅलीत दिसून आला. वसंत गिते यांच्या नेतृत्वाखाली नाशिकला विकासाच्या दिशेने नेण्यासाठी नागरिकांचा ठाम निर्धार पाहायला मिळाला.
या प्रचार रॅलीने नाशिकमध्ये महाविकास आघाडीची ताकद दाखवून दिली असून, मतदारसंघातील निवडणुकीचे वातावरण अधिक तापले आहे.