नाशिक :- देवघट आणि निमगाव येथे झालेल्या महिला बचत गट मेळाव्यात शेकडो महिलांनी सहभाग घेतला. अपक्ष उमेदवार समीर भुजबळ यांच्या प्रचारार्थ आयोजित या मेळाव्यात महिलांच्या प्रश्नांना उत्तरे मिळाली आणि त्यांच्या चेहऱ्यावर आनंद फुलला.
मेळाव्यात महिला सक्षमीकरण, रोजगार, शेतीपूरक उद्योग, मुलींच्या शिक्षणासाठी प्रयत्न यावर मार्गदर्शन करण्यात आले. अभिनेत्री अनुष्का सरकटे, डॉ. शेफाली भुजबळ, आणि अन्य मान्यवरांनी महिलांना प्रोत्साहित करत भुजबळ यांना विजयी करण्याचे आवाहन केले.
महिला बचत गटांच्या उत्पादनांना बाजारपेठ आणि पायाभूत सुविधा देण्याचे आश्वासन देत, भुजबळ फाऊंडेशनच्या प्रयत्नांचा उल्लेख करण्यात आला. ग्रामीण महिलांच्या कलागुणांना वाव देण्यासाठी बचत गट हे महत्त्वाचे व्यासपीठ असल्याचे मत मान्यवरांनी व्यक्त केले.