नाशिक :- नाशिक पूर्व विधानसभा मतदारसंघातील महाविकास आघाडीतर्फे मतदारांचा कौल मिळवण्यासाठी राष्ट्रवादी शरद पवार पक्षाचे गणेश गीते यांनी पंचवटी विभागीय प्रचार कार्यालयाचा भव्य शुभारंभ आज ढोल-ताशांच्या गजरात आणि तुतारीच्या निनादात संपन्न झाला. पंचवटी कारंजा येथील या कार्यालय शुभारंभाला महाविकास आघाडीतील सर्व प्रमुख नेत्यांसह विविध समाजातील कार्यकर्त्यांची मोठ्या संख्येने उपस्थिती होती, ज्यामुळे हा सोहळा केवळ राजकीय नसून एक सामाजिक उत्सव भासावा, अशी अनुभूती उपस्थितांना झाली.
शुभारंभ सोहळ्यात नाशिकचे खासदार राजाभाऊ वाजे, धुळे जिल्ह्याचे खासदार डॉ. शोभाताई बच्छाव यांच्यासह भगवान भोगे, शरद आहेर, तानाजी जायभावे, डॉ. दिनेश बच्छाव, लक्ष्मण मंडले, विजय राऊत, संदीप शर्मा, महेंद्र आव्हाड, संतोष जगताप, विलास आहेर, आणि अन्य असंख्य मान्यवर उपस्थित होते. या सोहळ्यात सर्व समाजातील प्रतिनिधींसह महाविकास आघाडीतील घटक पक्षांचे कार्यकर्ते आणि अन्य राजकीय पक्षांचे अनेक कार्यकर्तेही उपस्थित होते, ज्यामुळे या कार्यक्रमाचे महत्त्व आणखी अधोरेखित झाले.
राजकीय दृष्ट्या महत्वाचे ठरलेले हे उद्घाटन सोहळा पंचवटीसह संपूर्ण नाशिकमधील वातावरण चैतन्यमय करून गेला.
