नाशिकरोड :- नाशिकरोड येथील जय भवानी रोड येथील आशा मेलोडी संचलित अमरकुमार प्रस्तुत महानायक अमिताभ बच्चन यांच्या सदाबहार हिंदी चित्रपट गीतावर आधारित हृदयस्पर्शी चित्रपट गीतांचे रविवार दि. १३ ऑक्टोबर २०२४ रोजी ‘ रंग बरसे ‘ चे शालिमार येथील प सा. नाट्यगृह येथे आयोजन करण्यात आले आहे . या कार्यक्रमात स्वतः अमरकुमार व गायक संजय रासकर, जगन चव्हाण, संजय परमसागर, गॉडविन लुईस , अर्चना सोनवणे, श्याम शहाणे, अनिल पांचाळ , नेहा आहेर, आरती चव्हाण, प्रज्ञा गोपाळे आदी गायक गाणी सादर करणार आहेत. कार्यक्रमास नंदकुमार देशपांडे, नितीनकुमार चव्हाण, उमेश गायकवाड, इरफान मास्टर, संजय अडावदकर आदी मान्यवर उपस्थित राहणार आहेत. ध्वनी व्यवस्था सुरेश काफरे हे सांभाळणार असून निवेदन दिनेश गोविल हे करणार आहेत. रसिकांसाठी कार्यक्रम विनामूल्य असून कार्यक्रमास आवर्जून उपस्थित राहावे असे संयोजकांनी कळविले आहे.
