नाशिक :- नाशिकचे ग्रामदैवत श्री कालिका माता नवरात्र उत्सवानिमित्त श्री कालिका देवी मंदिर संस्थान, शिवसह्याद्री प्रतिष्ठान, आणि अखिल भारतीय मराठा महासंघ, नाशिकच्या वतीने आयोजित रक्तदान शिबिराचे उद्घाटन गुरुवार, दि. ३ ऑक्टोबर २०२४ रोजी सकाळी उत्साहात संपन्न झाले.
शिबिराचे उद्घाटन नाशिक जिल्हा मराठा विद्या प्रसारक संस्थेचे अध्यक्ष डॉ. श्री सुनिल ढिकले, सरचिटणीस ऍड. श्री नितिन ठाकरे, श्री नानासाहेब महाले, आणि श्री सुनीलभाऊ बागुल यांच्या प्रमुख उपस्थितीत श्री कालिका देवी मंदिर सभागृहात झाले.
कार्यक्रमाचे आयोजन श्री कालिका देवी मंदिर ट्रस्टचे अध्यक्ष श्री केशवराव आण्णा पाटील, दत्ताकाका पाटील, अखिल भारतीय मराठा महासंघ नाशिक जिल्हाध्यक्ष श्री चंद्रकांत बनकर, शिवसह्याद्री प्रतिष्ठान अध्यक्ष श्री राजेंद्र शेळके, आणि शहराध्यक्ष संजय फडोळ यांनी केले होते.
या वेळी उपस्थित मान्यवरांनी कार्यक्रमाचे कौतुक केले आणि नागरिकांनी रक्तदान करून देशसेवेच्या कार्यात सहभाग नोंदवावा, असे आवाहन केले. कार्यक्रमात अनेक प्रतिष्ठित व्यक्ती आणि रक्तदाते सहभागी झाले.